The Dr.Oz Show
ooooooooooooooooooooooo
drink hot tea after your meal
000000000
အစားမလျှော့ဘဲ ကိုယ်အလေးချိန်ကျစေမည့် နည်းလမ်းများ
အစားအသောက်ကို အလွန်အမင်းလျှော့စရာမလိုဘဲ ကိုယ်အလေးချိန်လျော့ကျလိုပါ သလား။ အစားအသောက်မလျှော့ဘဲ ဝိတ်ကျချင်သူတွေအတွက် ဘဝနေထိုင်မှုပုံစံတချို့ ပြောင်းလဲလိုက်ရုံနဲ့ အဆင်ပြေသွားစေမယ့် နည်းလမ်းကောင်းတွေကို ဖော်ပြပေးလိုက် ပါတယ်။၁။ အိပ်ရေးဝဝအိပ်ပါ
မီချီဂန်တက္ကသိုလ်ရဲ့ လေ့လာမှုတစ်ခုအရ တစ်ညမှာ တစ်နာရီပိုအိပ်တာနဲ့ တစ်နှစ်ကြာရင် ကိုယ်အလေးချိန် ၁၄ ပေါင် ကျဆင်းသွားကြောင်း သိရပါတယ်။ အိပ်ရေးဝခြင်းစာ ဆာလောင် စိတ်ကို အထိုက်အလျောက် တားဆီးပေးနိုင်တာကြောင့် ဖြစ်ပါတယ်။
၂။ အိမ်မှာ စားပါ
အိမ်မှာ ချက်ထားတဲ့ အစားအစာတွေကို တစ်ပတ်မှာ အနည်းဆုံး ငါးရက်စားသူတွေ ဟာ ခန္ဓာကိုယ် သွယ်လျတတ်ကြပါတယ်။ ဒါဟာ ဆိုင်တွေမှာ ချက်ပြုတ်တဲ့ အစားအ သောက်အများစုဟာ ကျန်းမာရေးနဲ့ မညီ ညွတ်တဲ့ အဆီပါဝင်မှုများတာကြောင့်ပါ။
၃။ အစားကို ဖြည်းဖြည်းချင်းဝါးစားပါ
အစားအသောက်တစ်နပ်စားချိန်ကို မိနစ် ၂၀ ကြာအချိန်ပေးပါ။ အစာစားတဲ့အခါ ဖြည်း ဖြည်းချင်း ကြေညက်အောင် ဝါးစားပေးရင် ခန္ဓကိုယ်ကနေ မကြာခင်မှာပဲ ဗိုက်ပြည့် ကြောင်း အချက်ပြပါလိမ့်မည်။ အစားအ သောက်ကို အမြန်စားရင်တော့ ဗိုက်ပြည့် ကြောင်း အချက်ပြသံကို သတိမထားမိဘဲ အလွန်အကျွံစားဖြစ်သွားပါတယ်။
၎။ ဟင်းသီးဟင်းရွက် များများစားပါ
အစာတစ်နပ်စားတိုင်း ဟင်းသီးဟင်းရွက် သုံးမျိုးပါအောင်စားပါ။ အားအသောက်ကို များများစားရမှ ကျေနပ်တတ်သူတွေအနေနဲ့ ဟင်းသီးဟင်းရွက်နဲ့ အသီးအနှံကို များများ စားပေးလိုက်တာဟာ စိတ်ကျေနပ်မှု ရစေ သလို ကိုယ်အလေးချိန်ကိုလည်း လျော့ကျ စေနိုင်ပါတယ်။ ဟင်းသီးဟင်းရွက်နဲ့ အသီး အနှံထဲမှာ အမျှင်ဓာတ်နဲ့ ရေဓာတ်သာ အဓိကပါဝင်ပြီး ကယ်လိုရီပါဝင်မှု နည်းပါးတာ ကြောင့်ပါ။
၅။ ကောက်နှံတစ်လုံးနဲ့ ပြုလုပ်ထားတဲ့ အစာစားပါ
ဆန်လုံးညို၊ ဘာလီ၊ အုတ်ဂျုံ၊ အညိုရောင် ပေါင်မုန့်စတာတွေဟာ ဝိတ်လျှော့လိုသူတို့ အတွက် အသင့်တော်ဆုံးပါပဲ။ အကြောင်း ကတော့ ကောက်နှံတစ်ခုလုံးနဲ့ လုပ်ထားတဲ့ အစားအသောက်တွေဟာ ကယ်လိုရီပါဝင်မှု နည်းပြီး ခန္ဓကိုယ်ထဲမှာ ကောင်းတဲ့ ကိုလက်စထရော မြင့်တက်စေတာကြောင့်ပါ။
၆။ ဝက်ပေါင်ခြောက် ရှောင်ပါ
နံနက်စာစားတဲ့အခါနဲ့ ဆင်းဒဝစ်ရှ် စားတဲ့ အခါ ဝက်ပေါင်ခြောက်မစားပါနဲ့။ ဝက်ပေါင် ခြောက်နှစ်ချောင်းမှာ ကယ်လိုရီ ၁၀၀ လောက် ပါဝင်တဲ့အတွက် တစ်နှစ်ကြာရင် ကိုယ်အလေးချိန် ၁၀ ပေါင် တက်လာနိုင်ပါ တယ်။ ဟမ်ဘာဂါ ဒါမှမဟုတ် ဆင်းဒဝစ်ရှ် စားတဲ့အခါ ဟင်းသီးဟင်းရွက် ပါဝင်တာ ကိုသာ ရွေးစားပါ။
၇။ သကြားမစားရပါ
အချိုရည်အစား ရေပြောင်းသောက်လိုက်ရင် သကြားလက်ဖက်စားဇွန်း ၁၀ဇွန်းလောက် ရှောင်ရှားရာ ရောက်ပါတယ်။ သကြားဟာ ကိုယ်အလေးချိန်တက်စေတဲ့အပြင် စိတ်ကိုပါ ထိုင်းမှိုင်းညစ်နွမ်းသွားစေပါတယ်။
၈။ အယ်လ်ကိုဟော ပမာဏ ကန့်သတ်ပါ
အရက်ပါတဲ့ လူမှုရေးဝိုင်းတွေသွားတဲ့အခါ ကော့တေး၊ ဘီယာ၊ ဝိုင်၊ အရက် စတာ တွေကို အရင်ဆုံး လက်လှမ်းမယ့် အစား ရေကို အရင်ဆုံးသောက်ပါ။ အရက်သောက် မိသွားတဲ့အခါ အရက်ကြောင့် ကယ်လိုရီရရှိ စေတဲ့အပြင် အာဟာရတန်ဖိုးနည်းတဲ့ အစား အသောက်တွေကိုပါ မဆင်ခြင်ဘဲ စားမိသွားစေနိုင်ပါတယ်။
၉။ လက်ဖက်စိမ်းလက်ဖက်ရည် သောက်ပါ
လက်ဖက်စိမ်းလက်ဖက်ရည်သောက်တာဟာ ကိုယ်အလေးချိန် လျော့ကျ စေမယ့် နည်းလမ်း ကောင်းတစ်ခုပါပဲ။ လက်ဖက်စိမ်း လက်ဖက်ရည်ဟာ ခန္ဓာကိုယ်ရဲ့ ကယ်လိုရီ လောင်ကျွမ်းစေတဲ့ ဇီဝရုပ်ဖြစ်ပျက်မှုကို အား ကောင်းစေတာကြောင့်ပါ။ လက်ဖက်စိမ်း လက်ဖက်ရည် ပမာဏအနည်းငယ်သောက် ရင်တောင် စိတ်ကို လန်းဆန်းသွားစေနိုင် ပါတယ်။
၁၀။ ယောဂကျင့်ပါ
ယောဂကျင့်တဲ့ အမျိုးသမီးတွေဟာ ယောဂ မကျင့်သူတွေထက် ကိုယ်အလေးချိန် လျော့ နည်းကြကြောင်း အမေရိကန်အာဟာရ အဖွဲ့ အစည်းက ဆိုပါတယ်။ အကြောင်းကတော့ ယောဂကျင့်သူတွေဟာ အစားအသောက်ကို အလွန်အကြူးစားတတ်တဲ့ အကျင့်မရှိကြ တာကြောင့်ပါ။ ယောဂကျင့်တာကြောင့် စိတ်ညစ်ငြိမ်အေးချမ်းနေတဲ့အတွက် အစားအသောက်ကိုလည်း သင့်တင့်တဲ့ ပမာဏသာ စားသောက်လေ့ရှိတာဖြစ်နိုင်ကြောင်း သုတေသီတွေက ဆိုပါတယ်။
၁၁။ သကြားမပါသော ပီကေဝါးပါ
သကြားမပါတဲ့ ပီကေဝါးတာဟာ သရေစာစားချင်စိတ် လျော့နည်းစေပါတယ်။ တီဗီကြည့် ရင်း ဒါမှမဟုတ် အင်တာနက်သုံးရင်း ညစာစားပါက သရေစာစားချင်စိတ် ပြင်းပြနေနိုင် ပါတယ်။ သကြားမပါဘဲ အနံ့မွေးတဲ့ ပီကေဝါးပေးရင် တခြားသရေစာတွေ စားချင်စိတ် လျော့သွားနိုင်ပါတယ်။
၁၂။ တစ်နေ့မှာ ကယ်လိုရီ ၁၀၀ လောင်ကျွမ်းအောင်လုပ်ပါ
အစားမလျှော့ဘဲ တစ်နှစ်မှာ ကိုယ်အလေး ချိန် ၁၀ ပေါင် ကျချင်ရင် တစ်နေ့မှာ ကယ်လိုရီ ၁၀၀ ကျဖို့အတွက် မိနစ် ၂၀ကြာ တစ်မိုင်လမ်းလျှောက်ခြင်း၊ မိနစ် ၂၀ကြာ ဥယျာဉ်စိုက်ပျိုးခြင်း၊ မိနစ် ၃၀ကြာ အိမ်သန့် ရှင်းရေးလုပ်ခြင်း၊ ၁၀မိနစ်ကြာ လမ်းအမြန် လျှောက်ခြင်း စတဲ့ နှစ်သက်ရာ လှုပ်ရှားမှုတစ်ခုလုပ်ဆောင်ပါ။
၁၃။ အသားမပါတဲ့ အာဟာရကို မကြာခဏစားပါ
သက်သက်လွတ်စားတာဟာ ကိုယ်အလေးချိန်သွယ်လျစေကြောင်း Web MD သုတေသန အရ သိရပါတယ်။ ပျမ်းမျှအားဖြင့် သက်သတ်လွတ်စားသူတွေဟာ အသားစားသူတွေထက် ၂၀ ရာခိုင်နှုန်းကိုယ်အလေးချိန် လျော့ကျနေတတ်ပါတယ်။ ပဲနီလေးစွပ်ပြုတ်၊ ပဲအမျိုးမျိုး ပါတဲ့ ဟင်းလျာတွေဟာ အမျှင်ဓာတ်ပါဝင်ပြီး အာဟာရဓာတ်ရရှိစေကာ ခန္ဓာကိုယ်သွယ်လျ ကျန်းမာစေပါတယ်။
အရိုး ကျန်းမာရေး ထိခိုက် လာရခြင်း
ခန္ဓာကိုယ်တွင်းက အရိုးဖြစ်တည် လာခြင်း (For-mation) နဲ့ အရိုးပျက်စီး ဆုံးရှုံး လာခြင်း (Resorption) ဖြစ်စဉ် ၂ ခုဟာ အသက် ၄၀ လောက်ထိ င်္ညီတူ ညီမျှ လောက်ပဲ ရှိသေးတာမို့ ဘဲစား ဘဲချေ သဘောမျိုးပဲ ရှိသေး သော်လည်း အသက် ၄၀ ကျော်လာ လျှင်တော့ အရိုးပျက်စီး ဆုံးရှုံးမှုက များလာ တာကြောင့် ရင်းစားထဲကပါ လာရပြီ ဖြစ်ကြောင်း ပြောခဲ့ပြီး ဖြစ်ပါတယ်။ အရိုးထဲက ကယ်လ်စီယမ် သတ္တုဓာတ်ဆားတွေ ဆုံးရှုံး လာခြင်းကြောင့် အရိုး၏ သိပ်သည်းဆ Bone Density နည်းလာတယ်။ နည်းရုံ လောက်ပဲ နည်းလာတာကို Osteopenia ခေါ်ပြီး နည်းလွန်းလို့ အရိုးဟာ ပါးလာတဲ့ အဆင့်ကို Osteoporosis ခေါ်ကြောင်းလည်း ပြောခဲ့ပြီး ဖြစ်ပါတယ်။အရိုးသိပ်သည်းဆ နည်းလာပြီ ဆိုတာ တစ်နည်းအားဖြင့် ပြောရလျှင် အရိုးရဲ့ ကြံ့ခိုင်သန်မာမှု အားနည်း လာခြင်းပါပဲ။ သန်မာတောင့်တင်းမှု နည်းလာတဲ့ အရိုးဟာ ခန္ဓာကိုယ်ကြီး ကို ကောင်းစွာ ထောက်မပေးထားနိုင် စွမ်းဘယ်ရှိတော့မလဲ။ ငယ်ရွယ်စဉ် တုန်းက တော်ရုံတန်ရုံ ဒဏ်ဖြစ်သော် လည်း ကြံ့ကြံ့ခိုင်နိုင်ခဲ့တဲ့၊ ဒေါင် ဒေါင်မြည်ခဲ့တဲ့ အရိုးဟာ သိပ်သည်းမှု နည်းပြီး မကြံ့ခိုင်တော့တဲ့အတွက် အနည်းငယ်မျှသော ဒဏ်ကိုပင် ခံနိုင်ရည် မရှိတော့ဘူး။ သာမန်ကျန်းမာနေတဲ့ လူတစ် ယောက်ရဲ့ အရိုးကို ကျိုးစေခြင်း မဖြစ် စေနိုင်လောက်သော ထိခိုက်ဒဏ်ရာရ မှုသည် အရိုးသိပ်သည်းဆ နည်းပါးနေသူ အရိုးပါးနေသူကိုတော့ အလွယ်တကူ ကျိုးပဲ့အက်ကွဲ စေနိုင်လာခဲ့ပါတယ်။ အထိမခံ ရွှေပန်းကန်ဆိုသလို အရိုးကျိုး လွယ်နေတဲ့ အတွက် ကျိုးခြင်း ဖြစ်ပါတယ်။ Fragility Fracture လို့ ခေါ်တယ်။ မတ်တပ်ရပ်နေလျက် က လဲကျသွားရုံနဲ့ ကျိုးနိုင်တယ်။ ရေချိုးခန်းထဲမှာ ချော်လဲတဲ့ အဘွား တင်ပါးဆုံရိုးတို့ ပေါင်ထိပ်ရိုးတို့ ကျိုးပြီး အိပ်ရာထဲ ပက်လက်လဲရတော့တယ် ဆိုတာ ဒါမျိုးပါပဲ။
အသက် ၅၀ ကျော်လာတဲ့ လူတိုင်း ဒီလိုမျိုး ကျိုးဖို့ အခွင့်အလမ်း ပိုများလာပါတယ်။ ၅၀ ကျော် အမျိုးသားတွေရဲ့ သုံးပုံတစ်ပုံ လောက် ဒီအဖြစ်မျိုး ကြုံရပြီး ၅၀ ကျော် အမျိုးသမီးတွေရဲ့ တစ်ဝက် လောက်ကတော့ ဒီအဖြစ်မျိုး ကြုံကြ ရလေ့ရှိပါတယ်။ ဆိုလိုတာက အမျိုး သမီးတွေက အရိုးပါးရောဂါ အရိုးသိပ် သည်းဆ နည်းပါးရောဂါ ပိုပြီး ခံစားရ ပါတယ်။ ယေဘုယျအားဖြင့် အရိုးပါးခြင်း ရောဂါဟာဘာလက္ခဏာ ဝေဒနာတွေ ခံစားနေရခြင်းမျိုးမရှိဘဲ ကျိုးတော့မှ ဪသာ် အရိုးပါးနေတာ ကိုးလို့ သိရ တဲ့အတွက် "သံတိတ် သူခိုးရောဂါ" လို့တောင်တင်စားခေါ်ဝေါ်ကြပါတယ်။ ကမ္ဘာပေါ်ရှိ အမျိုးသမီးတွေ ဖြစ်ပွားခံစားရမှာ ထိတ်လန့်ကြောက် ရွံ့လေ့ရှိတဲ့ အမျိုးသမီးရောဂါတွေဖြစ် တဲ့ ရင်သားကင်ဆာနှင့် သားဥအိမ် ကင်ဆာ ၂ ခုပေါင်းရဲ့ ဖြစ်ပွားနှုန်းထက် တောင်မှ အမျိုးသမီး အရိုးပါးရောဂါက ပိုမိုဖြစ်ပွားပြီး သေဆုံးရတဲ့ အရေ အတွက်က ပိုတောင်မှ များပါသေး တယ်တဲ့။
အရိုးပါးရောဂါကြောင့် အရိုးကျိုး ပြီဆိုရင် များသောအားဖြင့် အမျိုး သမီးတွေ တင်ပါးဆုံရိုး၊ ပေါင်ထိပ်ရိုး ကျိုးလေ့ရှိကြတယ်။ ကျိုးတဲ့ အရိုးကို ပြန်ဆက်အောင် ကုသပေးတဲ့အခါ ပက်လက်လှန်ပြီး အိပ်ရာထဲမှာ အကြာကြီးနေရတယ်။ အရိုးချင်း ပြန်ဆက်အောင်တေ့ ပေးနိုင်ဖို့အတွက် ခြေထောက်ကို အလေးဆွဲရ (Traetion) တယ်။ လပေါင်းများစွာ အိပ်ရာထက် ပက်လက်လှန်နေရတဲ့ အတွက် အဆုတ်ကျန်းမာရေး ပြဿနာ ဝင်လာတာတွေ၊ အိပ်ရာနာဖြစ်တာမျိုး တွေ ကြုံရတယ်။ ဆီးလမ်းကြောင်း ပြဿနာ၊ သွေးခဲပြီး သွေးခဲပြုတ်ထွက် ကာ အရေးကြီးသည့် အင်္ဂါအစိတ် အပိုင်း နေရာတွေမှာ ပိတ်ဆို့စေတာ မျိုး နာဘသူငျာ တွေလည်း ကြုံရနိုင် တယ်။ အသက် ၅၀ ကျော်ဆိုတော့ နဂိုအခံ ဆီးချိုသွေးချို၊ သွေးတိုး၊ နှလုံး သွေးကြောကျဉ်းစတာတွေ ရှိနေပြီ ဆိုရင် အရိုးကျိုးပြီး အိပ်ရာထဲ လဲရတဲ့ အဖြစ်က ပိုပြီးတော့ ဆိုးဝါးစေ လိမ့်မယ်။ ဒီအရွယ်မှာ ဖြစ်ပွားနှုန်း Morbidity နဲ့ သေဆုံးနှုန်း Mortality တွေ ပိုများလာတယ်။ တင်ပါးဆုံရိုး ကျိုးရောဂါ Hip fracture ရပြီးတဲ့ လူနာများရဲ့ ၂၀ ရာခိုင်နှုန်းဟာ သေတာပဲတဲ့။
အရိုးပြန်ဆက်ရင်လည်း အနေအထားမမှန်ကန်ရင် ပုံမှန်ဘဝ တုန်းကလို လှုပ်ရှားမှုတွေ မမှန်ကန် နိုင်တော့ဘူး။ လူ့ဘဝ အရည်အသွေး ကျဆင်းသွားမယ်။ ခါးရိုးဆစ်တွေမှာ အရိုးပါးသွား တဲ့အတွက် အရိုးတွေ အရွယ်သေး သွားပြီး ခါးကုန်းခါးကိုင်းလာမယ်။ အဘိုးကြီးအို ခါးကုန်းကုန်း မသေပါနဲ့ ဦးဆိုတဲ့ စကားပုံဟာ အကြောင်းမဲ့ ပေါ်လာတာမဟုတ်ဘူး။ သိပ္ပံနည်းကျ ဖြစ်တယ်။ Osteoporosis အရိုးပါး ရောဂါ ခံစားနေရပြီဆိုတာကို ဖော် ပြတဲ့ စကားလုံး ဖြစ်ပါတယ်။ အမျိုးသမီးတွေက အမျိုးသား တွေထက် အရိုးပါးရောဂါပိုပြီး ဖြစ် လွယ်ရသလဲဆိုတာ လေ့လာကြည့်တဲ့အခါ ဟော်မုန်းနဲ့ သက်ဆိုင်နေတာ တွေ့နိုင်ပါတယ်။ မီးယပ်သွေးဆုံးပြီး သွားတဲ့ အမျိုးသမီးတွေမှာ အီစထရိုဂျင် လို့ခေါ်တဲ့ ဟော်မုန်း ထုတ်လုပ်မှုလည်း နည်းသွားတယ်။ အီစထရိုဂျင်က အရိုးကို စားပစ်သော ကလာပ်စည်းများ Osteoclasts တွေကို သွားပြီး ပေါင်းလိုက် ခြင်းဖြင့် အရိုးစားမှု နည်းအောင် လုပ် ပေးနိုင်ခဲ့တယ်။ ကာကွယ်ပေးနိုင်ခဲ့ တယ်။
အီစထရိုဂျင် နည်းသွားပြီဆို တော့ အရိုးစားမှုကို မကာကွယ်နိုင် တော့ဘူးပေါ့။ ထိုနည်းတူ အရိုး ဖြစ်တည်မှုဖြစ်စေသော Osteoclasts ကလာပ်စည်းတွေကို သွားပြီး ပေါင်း လိုက်ရင် အရိုးဖြစ်တည်မှုကို ဆက် လက်ထိန်းသိမ်းပေးတာ ဖြစ်တယ်။ ယခုအီစထရိုဂျင်နည်းသွားတော့ အရိုး ဖြစ်တည်မှုကိုလည်း မထိန်းသိမ်းနိုင် တော့ပါဘူး။ ဒါကြောင့် မီးယပ်သွေးဆုံး ပြီး အမျိုးသမီးတွေဟာ အရိုးပါးရောဂါ ရဖို့ အခွင့်အလမ်းပိုသွားရခြင်း ဖြစ်ပါ တယ်။ အရိုး ကျန်းမာရေးကို ထိခိုက် လာတာနဲ့ အတူ အရိုးလူနာကို ပြုစုရ ကုသရတဲ့ စရိတ်စကတွေ၊ လူမှုရေး ပြဿနာတွေ ဘယ်လောက်ထိ တက် လာနိုင်မလဲဆိုတာ စဉ်းစားသာ ကြည့် ပေတော့။ ဒါကြောင့် အရိုးပါးရောဂါ ဟူ သည်မှာ ပြည်သူလူထုတွေ ကြောက် ရွံ့လေ့ရှိကြတဲ့ ကျန်းမာရေး အာဏာ ပိုင်တွေ သတိမူမိကြလေ့ရှိတဲ့ ပြည်သူ့ ကျန်းမာရေးပြဿနာ (Public Health Problem) တစ်ရပ်ဖြစ်ပါ တယ်။
ထက်မြက်ပြီး မှတ်ဥာဏ်ကောင်းဖို့ ဘာတွေ စားကြမလဲ
ဥာဏ်စွမ်းထက်မြက်ခြင်း ဆိုတာ လူသားတိုင်း အလိုရှိတဲ့ စွမ်းရည်တစ်ခုပါပဲ။ ဥာဏ်စွမ်းလို့ ဆိုရာမှာ မှတ်ဥာဏ် (Memory) နဲ့ ထက်မြက်မှု (Intelligence) နှစ်မျိုးစလုံး ပါဝင်ပါတယ်။ စာသင်သား လူငယ်တွေ အပါအ၀င် အသက်အရွယ် မရွေးအတွက် အထူးအရေးပါလှတယ် ဆိုတာ ပြောနေစရာတောင်မလိုပါဘူး။ဥာဏ်ကောင်းအောင် ဘယ်လိုလုပ်ရမလဲလို့ လာမေးတဲ့ လူငယ်တွေ၊ ကလေးကို ဥာဏ်ကောင်းအောင် ဘာတွေ ကျွေးရမလဲ ဆိုတဲ့ မိဘတွေ ခဏခဏ ကြုံရပါတယ်။ ခဏခဏ မေ့တတ်လာလို့ ဘယ်လို လုပ်ရမလဲလို့ အကြံလာတောင်းတဲ့ မိတ်ဆွေတွေလဲ ရှိပါတယ်။ ဒါကြောင့် ဦးနှောက်ဥာဏ်ရည် နှစ်မျိုးစလုံးကို တိုးမြှင့်ပေးနိုင်မှု အရှိဆုံး အစားအသောက် ဆယ်မျိုးကို ကမ္ဘာ့အာဟာရ ပညာရှင်များ သုတေသနပြုထားတဲ့ အတိုင်း စုစည်း ဖော်ပြပေးလိုက်ပါတယ်။ ဦးနှောက်ဥာဏ်ရည်ဟာ မိဘမျိုးရိုးဗီဇ၊ ပတ်ဝန်းကျင် အနေအထားများရဲ့ လွှမ်းမိုးမှု အထူးရှိပေမယ့် နေ့စဉ် အစားအသောက်များဟာ လူတစ်ယောက်ရဲ့ ဥာဏ်ရည်ဥာဏ်သွေးမှာ အတိုင်းအတာ တစ်ခုအထိ အရေးပါတယ် ဆိုနိုင်လို့ အောက်ပါအစားအသောက်များဟာ ဥာဏ်ရည်လျော့ပါးမှုကို ကာကွယ်ဖို့၊ ဥာဏ်ရည်တိုးတက်ဖို့ ကောင်းစွာ အထောက်အကူ ပြုမယ် ဆိုတာ သေချာပါတယ်။
(၁)ငါးများ
ဥာဏ်ကောင်းစေတဲ့ အစားအသောက်တွေထဲမှာ ငါးတွေဟာ ထိပ်တန်းက ပါပါတယ်။ ငါးရဲ့ အဆီတွေဟာ ဦးနှောက်ဥာဏ်ရည် တိုးတက်မှုနဲ့ လုပ်ငန်းဆောင်တာတွေ အတွက် မရှိမဖြစ် လိုအပ်တဲ့ DHA နဲ့ EPA လို့ခေါ်တဲ့ အိုမီဂါသရီး ဖက်တီးအက်ဆစ်တွေ အပြည့်ဝဆုံး ပါဝင်တဲ့ အစားအစာ ဖြစ်ပါတယ်။ အဆီပြည့်ဝတဲ့ ငါးတွေ ပုံမှန် စားပေးရင် ဥာဏ်စွမ်းရည် ပိုမို ထက်မြက်လာစေတယ် ဆိုတာကို ကာလရှည် စမ်းသပ်လေ့လာမှုများစွာ ပြုလုပ်ပြီး တွေ့ရှိထားပါတယ်။ ဒီအစွမ်းဟာ ကလေးတွေမှာသာ မကဘဲ အရွယ်သုံးပါး စလုံးမှာပါ အာနိသင်ရှိတာ တွေ့ရပါတယ်။ အိုမီဂါသရီး အပြည့်ဝဆုံး ငါးကတော့ ဆယ်လ်မွန်ငါး ဖြစ်ပြီး သူ့ကို စားပေးနိုင်ရင် အကောင်းဆုံး ဆိုပေမယ့် ငါးမှန်သမျှကတော့ ပုံမှန်စားသုံးပေးရင် ဥာဏ်ရည်အတွက် အထောက်အကူ ပြုစေတယ်လို့ ဆိုနိုင်ပါတယ်။
(၂) ဥအမျိုးမျိုး
ဥတွေဟာ အကောင်းဆုံး အသားဓာတ်ပင်ရင်း အဖြစ် အသိအမှတ်ပြုထားပါတယ်။ ဒီအထဲမှာမှ ဥအနှစ်မှာ ကိုလင်း (Choline) လို့ ခေါ်တဲ့ မှတ်ဥာဏ်စွမ်းအားဆိုင်ရာ အာဟာရဓာတ် ပြည့်ဝလို့ ကလေးတွေရော မေ့တတ်တဲ့ သူတွေပါ သုံးဆောင်ပေးသင့်ပါတယ်။ ဒီနေရာမှာ တစ်ခု သတိပေးလိုတာက ဥအနှစ်ဟာ ကိုလက်စထရော မြင့်မားစွာ ပါဝင်လို့ အသက် ၃၅ နှစ်အထက် လူတွေ များများ မစားသင့်သလို နျူကလီယာပရိုတိန်းခေါ် အသားဓာတ်များနဲ့ ဖွဲ့စည်းထားလို့ လေးဖက်နာ အမျိုးမျိုး ရှိသူတွေလည်း များများ မစားသင့်ပါဘူး။
(၃) မြေပဲနှင့် မြေပဲထောပတ်
မြေပဲနဲ့ မြေပဲအနှစ်နဲ့ လုပ်ထားတဲ့ မြေပဲထောပတ် (Peanut Butter) တို့ဟာ ဗိုက်တာမင်အီး (Vitamin E) ကြွယ်ဝတဲ့ အစာပင်ရင်းများ ဖြစ်ကြပါတယ်။ ဗိုက်တာမင်အီးဟာ မြင့်မားတဲ့ ဓာတ်တိုးဆန့်ကျင် ဂုဏ်သတ္တိ (Potent Antioxidant Property) ရှိတဲ့ အာဟာရ တစ်မျိုး ဖြစ်သလို ဦးနှောက်နဲ့ အာရုံကြောများရဲ့ အပေါ်ယံအလွှာ အိုမင်းပျက်စီးခြင်းကို ထိထိရောက်ရောက် ကာကွယ်ပေးနိုင်ပါတယ်။ မိသားစုမှာ မြေပဲ(သို့) မြေပဲထောပတ်ကို ပုံမှန်စားတဲ့ အကျင့် ရှိတာ ကလေးငယ်တွေရဲ့ ဥာဏ်ရည်အတွက် အကျိုးပြုပါတယ်။ ဗိုက်တာမင် ဘီဝမ်း (Vitamin B1) နဲ့ တွဲဖက်မယ်ဆိုရင် အထူးအစွမ်းထက်ပြီး ဦးနှောက်စွမ်းရည် ကောင်းမွန်စေကာ စိတ်ကြည်လင်စေတဲ့ အာနိသင် ရှိပါတယ်။ ဗိုက်တာမင်ဘီဝမ်း ပါဝင်တဲ့ အစားအသောက်တွေကတော့ နှံစားသီးနှံများ၊ ပဲအမျိုးမျိုး၊ အစိမ်းရင့်ရောင် အသီးအရွက်များ၊ အသားများ၊ ပဲပင်ပေါက် စတာတွေ ဖြစ်ပါတယ်။
(၄) နှံစားသီးနှံများ
ဒီတစ်မျိုးကတော့ အထူးပြောနေစရာ မလိုပါဘူး။ ဘာဖြစ်လို့လဲဆိုတော့ ဘယ်လူမျိုးပဲ ဖြစ်ဖြစ် ကစီဓာတ်ပါတဲ့ နှံစားသီးနှံ တစ်ခုခု (ဥပမာ ဆန်၊ ဂျုံ၊ ပြောင်း စသည်) ကို အဓိကအစာ (Staple Food) အနေနဲ့ နေ့စဉ် စားနေကြတာမို့ပါ။ ဒါပေမဲ့ ကလေးငယ်တွေအတွက်ကျတော့ အာဟာရ ပြည့်ဝစွာ စားရဖို့တင်မကဘဲ အဆာမလွန်အောင် စားရဖို့က အထူးအရေးကြီးပါတယ်။ ကလေးတစ်ယောက်ရဲ့ ဘ၀မှာ ဥာဏ်ရည်နဲ့ ပတ်သက်တဲ့ အခြေခံ အကျဆုံး ဦးနှောက်ဖွံ့ဖြိုးမှုဟာ အသက်နှစ်နှစ်အတွင်း အများဆုံးနဲ့ အဓိက ဖြစ်တာမို့ မွေးစကနေ အသက် နှစ်နှစ်ကျော်အထိ ခဏခဏ အဆာလွန်ရတဲ့ ကလေးတွေ ကြီးပြင်းလာရင် အဆာမခံရတဲ့ ကလေးတွေလောက် ဥာဏ်မကောင်းတာ အတိအကျ တွေ့နိုင်ပါတယ်။
အကြောင်းရင်းကတော့ ဆန်၊ ပေါင်မုန့် စတဲ့ ကစီဓာတ် ပြည့်ဝတဲ့ အစာတွေက ခန္ဓာကိုယ်ထဲမှာ ဂလူးကို့စ် (Glucose) ခေါ် သကြားဓာတ်နဲ့ အထက်မှာ ဆိုခဲ့တဲ့ ဗိုက်တာမင် ဘီဝမ်းကို အဓိက ပေးနိုင်တဲ့ အစာတွေ ဖြစ်နေလို့ပါပဲ။ လိုအပ်တဲ့ ပမာဏကို ပြည့်ဝအောင် ပုံမှန်စားသောက်ပေးဖို့ လိုအပ်ပါတယ်။ ဒါပေမဲ့ အ၀လွန်အောင် စားပါလို့တော့ မဆိုလိုပါဘူး။ ဆန်နဲ့ ဂျုံကို နှိုင်းယှဉ်ကြည့်ရင် ဦးနှောက်ဥာဏ်ရည် အားပေးမှုမှာသာမက ခန္ဓာကိုယ် ဖွံ့ဖြိုးကြီးထွားမှုမှာပါ ဂျုံက ပိုသာတယ်လို့ အာဟာရပညာရှင်များက ဓာတ်ခွဲစမ်းသပ်တွေ့ရှိထားကြပါတယ်။ ဒါကြောင့် ကျွန်တော်တို့ဟာ ဆန်ကို အဓိကစားတဲ့ လူမျိုးတွေ ဖြစ်ပေမယ့် ရင်သွေးငယ်တွေရဲ့ အနာဂတ် ပညာရေးအတွက် အထောက်အပံ့အဖြစ် ပေါင်မုန့်လဲ ပုံမှန်ကျွေးသင့်တယ်လို့ အကြံပြုလိုပါတယ်။
(၅) ကွေကာအုပ်
Oats ခေါ် နှံစားသီးနှံကို ကွေကာအုပ်အဖြစ် စားသုံးကြပါတယ်။ ၄င်းဟာ ဆန်တွေ ဂျုံတွေလို နှံစားသီးနှံများထဲ အပါအ၀င် ဖြစ်ပေမယ့် ထိုအရာတွေ ပုံမှန်စားဖြစ်တယ် ဆိုတာနဲ့ပဲ ကွေကာအုပ်ကို လျစ်လျူရှု မထားသင့်တဲ့ အချက်တွေကတော့ ဦးနှောက်ရဲ့ အကောင်းဆုံး စွမ်းဆောင်ရည် ရောက်အောင် အားပေးနိုင်တဲ့ ဗိုက်တာမင် အီး၊ ဗိုက်တာမင် ဘီအုပ်စု၊ ပိုတက်စီယမ်နဲ့ ဇင့်ခေါ် သွပ်ဓာတ်တို့ အထူးကြွယ်ဝလှတယ် ဆိုတဲ့ အချက်ပါပဲ။
ကလေးငယ်တွေ ကျောင်းသွားခါနီး ကွေကာအုပ်တစ်ခွက် မှန်မှန် သောက်သုံးစေရင် စာသင်ယူရာမှာအာရုံစူးစိုက်မှု နဲ့ မှတ်မိနိုင်စွမ်း ပိုကောင်းလာတာ တွေ့ရှိရပါတယ်။
(၆) ဘယ်ရီသီးများ
စတော်ဘယ်ရီ၊ ဘလူးဘယ်ရီ၊ ဘလက်ဘယ်ရီ စတဲ့ ဘယ်ရီသီးများနဲ့ ချယ်ရီသီးများဟာ ဗိုက်တာမင် စီ နဲ့ အခြားဓာတ်တိုးဆန့်ကျင်ပစ္စည်းများ ကြွယ်ဝစွာ ပါဝင်ပြီး မှတ်ဥာဏ်စွမ်းအားကို အထူးမြဲမြံစေတာကို လေ့လာတွေ့ရှိရပါတယ်။ အသီးတွေရဲ့ အရောင်ရင့်လေ ဒီအာနိသင် ပိုများလေ ဖြစ်ပါတယ်။
(၇) ပဲကြီး
ပဲကြီးဟာ အသားဓာတ်နဲ့ ကစီဓာတ် နှစ်မျိုးစလုံး ပြည့်ဝတဲ့ စားစရာ တစ်မျိုး ဖြစ်ပါတယ်။ ဒါ့အပြင် အမျှင်ဓာတ်၊ အိုမီဂါသရီး၊ ဗိုက်တာမင်မျိုးစုံနဲ့ သတ္တုဓာတ်တွေ စုံလင်စွာ ပါဝင်ပါတယ်။ ကလေးငယ် တစ်ဦးဟာ မကြာခဏ ပဲကြီးလုံလောက်အောင် စားပေးရင် တွေးခေါ်လေ့လာ သင်ယူနိုင်စွမ်းမှာ အကောင်းဆုံး ဖြစ်စေဖို့ အထောက်အကူပြုတာ လေ့လာတွေ့ရှိရပါတယ်။
(၈) အရောင်စုံ ဟင်းသီးဟင်းရွက်များ
ခရမ်းချဉ်သီး၊ ကန်စွန်းဥ၊ ရွှေဖရုံသီး၊ မုန်လာဥ၀ါ၊ ပန်းဂေါ်ဖီစိမ်း၊ မုန်ညင်း တို့လိုမျိုး အစိမ်းရောင်၊ အနီရောင်၊ အ၀ါရောင် ဟင်းသီးဟင်းရွက်များဟာ ဦးနှောက်ဆဲလ်တွေရဲ့ ကျန်းမာကြံ့ခိုင်မှုကို ထိန်းသိမ်းပေးထားနိုင်တဲ့ ဓာတ်တိုးဆန့်ကျင်ပစ္စည်းများ အများဆုံး ပါဝင်တဲ့ အစားအသောက်တွေ ဖြစ်ပါတယ်။
(၉) ဒိန်ချဉ်နှင့် နို့ထွက်ပစ္စည်းများ
၎င်းတို့ဟာ ဦးနှောက်ဆဲလ်များ၊ အာရုံကြော ဆက်သွယ်မှု ဓာတုပစ္စည်းများ (neurotransmitters)၊ အရေးပါတဲ့ အဲန်ဇိုင်းများ (Enzymes) ထုတ်လုပ်ရာမှာ မရှိမဖြစ် ပါရမယ့် ကုန်ကြမ်းတွေ ဖြစ်တဲ့ အသားဓာတ်နဲ့ ဗိုက်တာမင် ဘီအုပ်စု ကြွယ်ဝသော အစားအစာများ ဖြစ်ကြပါတယ်။ နေ့စဉ် နို့ထွက်ပစ္စည်းတစ်ခုခု မှီဝဲပေးသူ ကလေးငယ်တွေဟာ သင်္ချာစွမ်းရည်နဲ့ မှတ်ဥာဏ်စွမ်းရည် သူများတွေထက် ပိုကောင်းသလို လူကြီးတွေအတွက်လည်း ဒိန်ချဉ်မှန်မှန် သောက်ပေးရင် မှတ်ဥာဏ် ချို့ယွင်းအားနည်းလာမှုတွေကို ပြုပြင်ဖာထေးနိုင်တာ တွေ့ရပါတယ်။
ဒါ့အပြင် ဦးနှောက်ဆဲလ်များနဲ့ လူ့ခန္ဓာကိုယ် တစ်ခုလုံးက ဆဲလ်များကို အသက်ရှည်စေတဲ့ အစွမ်းရှိတဲ့ ဗိုက်တာမင်ဒီကိုလည်း နို့ကရတဲ့ အစားအစာများမှ ရရှိနိုင်ကြပါတယ်။ ဗိုက်တာမင်ဒီ လိုအပ်ချက်ဟာ စာသင်သားတွေမှာ အထူးများပြားလှပြီး ပြည့်ဝစွာ စားသုံးပေးဖို့ အထူးလိုအပ်ကြောင်း ပညာရှင်များက ပြောဆိုကြပါတယ်။
(၁၀) အမဲသားနှင့် ခြေလေးချောင်း အသားများ
ကလေးတွေ စာသင်ယူရာမှာ စွမ်းရည်ထက်မြက်နေဖို့နဲ့ အာရုံကောင်းကောင်း စူးစိုက်နိုင်ဖို့ သံဓာတ်ဟာ မရှိမဖြစ် သတ္တုဓာတ် တစ်မျိုး အနေနဲ့ လိုအပ်ပါတယ်။ အမဲသားဟာ ခန္ဓာကိုယ်က စုပ်ယူအသုံးချနိုင်တဲ့ သံဓာတ် အကြွယ်ဝဆုံး အစာပင်ရင်းတစ်ခု ဖြစ်ပါတယ်။ သံဓာတ်ချို့တဲ့ သွေးအားနည်းသူများဟာ အမဲသားကို စားနိုင်ပါတယ်။ ဒါပေမဲ့ အမဲသားကို အချို့က ယုံကြည်ချက် အမျိုးမျိုးနဲ့ မစားကြတော့ အခြား ခြေလေးချောင်းသားများ (ဥပမာ ဆိတ်၊ သိုး စသည်)ကို အစားထိုး စားသုံးနိုင်ကြပါတယ်။ အမဲသားလောက် သံဓာတ်မကြွယ်ဝပေမယ့် ဒီအသားတွေလောက် စားဖြစ်ရင်လဲ မဆိုးပါဘူး။
အာရုံစူးစိုက်နိုင်စွမ်းကို အားပေးတဲ့ သံဓာတ်နဲ့ မှတ်ဥာဏ်စွမ်းရည် ကောင်းစေတဲ့ သွပ်ဓာတ်တို့ဟာ အဆိုပါ အသားတွေမှာ ပြည့်ဝစွာ ပါဝင်ပါတယ်။ လုံးဝ သက်သတ်လွတ် စားသူတွေ အတွက်ကတော့ ပဲကြီး၊ ပဲနို့ ခေါ် ပဲပိစပ် စတာတွေကို စားသုံးပေးဖို့ လိုအပ်ပါတယ်။ အဆိုပါအစားအစာများ၊ အသားများကို ဗိုက်တာမင်စီ ကြွယ်ဝစွာ ပါဝင်တဲ့ ခရမ်းချဉ်သီး၊ လိမ္မော်သီး၊ သင်္ဘောသီး စတဲ့ အသီးအရွက်တွေနဲ့ တွဲဖက် စားသုံးပေးရင် ခန္ဓာကိုယ်ရဲ့ သံဓာတ် စုပ်ယူနိုင်စွမ်းကို ပိုမို ကောင်းမွန်စေပါတယ်။
